Ofisiantdan direktoradək!

Şirkətimizdə çalışanların ambisiyalarını həyata keçirilmək imkanı heç zaman məhdudlaşdırılmır.
Buna sübut olaraq 2013-cü ildə ofisiant vəzifəsinə işə götürülmüş Zaur Xanbabayevin karyera yüksəlişini göstərə bilərik. Çevikliyi və cəldliyi ona eyni zamanda 18 masaya xidmət etmək imkanı verirdi.
Bir il sonra onu supervayzer təyin edirlər. Burada o, öz liderlik qabiliyyətini və işə strateji cəhətdən yanaşma bacarıqlarını inkişaf etdirməyə başlayır. Restoran biznesinə olan məhəbbəti və yalnız müsbət nəticələr əldə etmək istəyi onun 2017-ci ildə "CafeCity Five"ın filial direktoru təyin olunmasına gətirib çıxarır. 2019-cu ilin dekabrında Zaur Xanbabayev "LaQuzu" restoranının direktoru vəzifəsinə təyin olunur. 
Zaur bəyə karyerasında daha böyük uğurlar arzulayırıq!

Ofisiantdan direktoradək!

Cəmil Nəzərov 2017-ci ilin may ayında ofisiant vəzifəsinə işə qəbul edilmişdir. 

Böyük səbri, əzmkarlığı, iş qabiliyyəti və qonaqlarla nəzakətli rəftarı, ünsiyyət qurma bacarığı sayəsində 2018-ci ildə məsləhətçi vəzifəsinə yüksəlmişdir. Bitib-tükənməz pozitivliyi və işə olan sevgisi onun karyerada daha yüksək mərtəbələrə ucalmasına  səbəb olmuşdur. 2021-ci ilin yayında Cəmil "CityWine" şərab restoranının direktoru vəzifəsinə təyin olunmuşdur.

Ofisiantdan supervayzerədək!

12 aprel 2017-ci ildə CafeCity Fountain–a ofisiant vəzifəsinə qəbul olundu.
Bu vəzifəyə böyük məsuliyyətlə yanaşdığına, onunla çiyin-çiyinə çalışan komandanın dəstəyi ilə bütün tələbləri yerinə yetirdiyinə görə 2019-cu ilin aprel ayında nəzarətçi təyin olundu.
Uğurlar sənə, Fuad!